Posted: 05/04/2012 03:53 PM IST

ఇప్పటి వరకు ఎందరో దేశాధ్యక్షుల రాసలీలలు, లవ్ స్టోరీస్ బయటపడ్డాయి. తాజాగా ఆ జాబితాలోకి అమెరికా అధ్యక్షుడు ఓబార్ ఒబామా లవ్ స్టోరి బయటపడింది. ఆమెరికా అధ్యక్షుడు బరాక్ ఒబామా 1980లలో న్యూయార్క్‌లో ఓ ఆస్ట్రేలియన్ అమ్మాయితో చెట్టాపట్టాల్ వేశారట. కొంతకాలం ఆమెతో ప్రేమాయణం సాగించారట. సదరు ఆస్ట్రేలియా అమ్మాయితో ఒబామా ప్రేమకలాపం త్వరలోనే ఓ పుస్తక రూపంలో వెలుగులోకి రానుంది.

బరాక్ ఒబామా: ది స్టోరి పేరిట అప్పట్లో ఆయనతో ప్రేమాయణం సాగించిన జెనెవియవ్ కుక్ డైరీ ఆధారంగా డేవిడ్ మారానిస్ అనే రచయిత పుస్తకం రాస్తున్నారు.ఆస్ట్రేలియా దౌత్యాధికారి కుమార్తె ఒబామాతో సాగించిన ప్రేమాయణాన్ని ఆమె డైరీల్లో భద్రపర్చుకుంది. ఈ డైరీ ఆధారంగా పుస్తకం రాస్తున్న డేవిడ్ వీరిద్దరి ప్రేమానుబంధంపై లోలోతు వివరాల్ని సైతం వివరిస్తున్నారట. దీంతో వీరి ప్రేమాయణంపై తాజాగా వేడి వేడి చర్చ జరుగుతోంది. 

ఒబామా, కుక్‌లు 1983 డిసెంబరులో న్యూయార్క్‌ లోని ఈస్ట్ జోన్ విలేజ్‌లో క్రిస్‌మస్ పార్టీలో కలుసుకున్నారు. ఆమె వయస్సు అప్పుడు 25. ఒబామా వయస్సు ఇరవై రెండేళ్లు. ఓ రోజు తామిద్దరం విందు చేసుకున్నామని, ఆయన పడక గదికి వెళ్లి మాట్లాడుకున్నామని, ఆ రాత్రి అక్కడే గడిపానని, ఆరోజు ఒబామా నాకు వంట చేసి పెట్టాడని కుక్ తన డైరీలో రాసుకున్నారు.కుక్, ఒబామా 1985లో విడిపోయారు. కాగా న్యూయార్క్, షికాగోలో కూడా తనకు పలువురు గర్ల్ ఫ్రెండ్స్ ఉండేవారని, వారందరి లక్షణాలు కుక్‌లో ఉండేవని ఒబామా తన వద్ద చెప్పినట్లు పుస్తక రచయిత చెబుతున్నారట. మరి ఈ పుస్తకం విడుదలైతే ఎంకెన్నీ రహస్యాలు బయటపడతాయోనని అమెరికా ప్రజలు అనుకుంటున్నారు.